Në momentet e fundit të afatit kalimtar kanë ndodhur tri transferimeve të rëndësishme, ku secila ka qenë e lidhur me njëra-tjetrën.
Edhe pse klubet ishin marrë vesh për transferimet, gjithçka është kompletuar në momentet e fundit, ndërsa klubeve iu deshën edhe disa minuta pas orës 00:00 për të kompletuar dokumentet.
Atletico Madridi ka arritur marrëveshje për Saul me Chelsean, ku spanjolli do të shkojë si huazim.
Opsioni për blerjen e Saul është 40 milionë euro.
Më tu mbyllur kjo marrëveshje, Antoine Griezmann kompletoi kalimin te Atletico nga Barcelona, si huazim me të drejtë blerje për 40 milionë euro.
Griezmann është kthyer në Atletico Madridi, ku kishte shkëlqyer para se të kalonte te Barcelona.
Barcelona si zëvendësim për francezin ka nënshkruar me sulmuesin holandez Luuk de Jong nga Sevilla.
