Francezët e PSG janë kthyer në një ekip ëndrrash duke blerë yjet, e ku së fundmi spikati blerja e argjentinasit Leo Messi. Një ekip pathyeshëm që të tremb botën e futbollit, por nuk është i këtij mendimi fenomeni brazilian Ronaldo.
Braziliani që tashmë presidenti i ekipit spanjoll Valadolid jep këtë paralajmërim më PSG-në.
Ai tregoi kohën e tij në Los Blancos si dëshmi se një skuadër e fortë në letër nuk do të përkthehet domosdoshmërisht në fitimin e çmimit më të dëshiruar të Evropës.
"Është ende herët për të thënë se kush do ta fitojë Ligën e Kampionëve," tha Ronaldo në një intervistë për DAZN si pjesë e emisionit "El Presidente".
“Tabloja fillon të marrë formë në fazën çerekfinale. Paris Saint-Germain është në pole position, por është një gjë të flasësh dhe tjetër të luash. Ka shumë faktorë që ndikojnë në rezultatin në fushë. Kam luajtur për Real Madridin për gati pesë sezone, në ekipin e Galacticos, dhe kurrë nuk kam fituar Ligën e Kampionëve. Fitimi nuk është kurrë automatik, edhe nëse keni lojtarët më të mirë në ekipin tuaj, dhe kjo vlen edhe për PSG”, tha braziliani Ronaldo
Kur u pyet nëse sheh ndonjë ngjashmëri mes tij dhe yllit të PSG -së, Kylian Mbappe, Ronaldo ishte i qartë.
"Po, ai ka tipare të ngjashme për mua. Ai ka cilësi të jashtëzakonshme, me teknikë të jashtëzakonshme që ai e ekzekuton me shpejtësi të madhe", vuri në dukje presidenti i Valadolid.
