Pas angazhimeve të kombëtareve, klubet e futbollit do t’iu rikthehen ndeshjeve në kampionatet respektive. Pikërisht këtu fillojnë problemet për disa skuadra, si Juventusi. Sepse Dybala nuk ka shumë gjasa të luajë nesër në Napoli, duke pasur parasysh se do të kthehet në Torino vetëm këtë mbrëmje.
Bashkë me të do të kthehet edhe pjesa tjetër e kontigjentit të amerikano-jugorëve. Për Allegrin është një urgjencë e plotë, sepse me siguri do të mbeten në shtëpi, përveç “Joya”, gjithashtu Cuadrado, Bentancur, Danilo dhe Alex Sandro.
“Fotografia” është e vështirë të plotësohet nga mungesa e sigurt e Chiesa, i dëmtuar në ekipin kombëtar. Rezonanca magnetike e kryer dje dha një rezultat negativ, pa lëndime, por, shpjegon klubi, “si një masë paraprake dhe në marrëveshje me stafin teknik , ai nuk do të jetë i disponueshëm për udhëtimin në Napoli”.
Opsionet në sulm, pra, janë të kufizuara në tre emra: Morata, Kulusevski dhe Kean. Për “të diskriminuar”, edhe në këtë rast, do të jetë gjendja fizike e individëve, përveç modulit që Max do të zgjedhë. Nga pikëpamja fizike, Kean mund të jetë i preferuari për një fanellë startuese, duke pasur parasysh se ai luajti vetëm 73 minuta me axurrët, gjysma e aktivizimit të Morata, 147 minuta me Spanjën, dhe Kulusevski, 173 minuta me Suedinë.
