Erdhi me shumë bujë te Manchester United, por mesfushori Donny van de Beek asnjëherë nuk e gjeti formën e duhur.
Holandezi u përdor shumë pak nga trajneri Ole Gunnar Solskjaer, duke qëndruar shumicën e kohës në stol.
Prandaj, futbollistit duket që i ka humbur durimi, ngase eksperti i transferimeve, Fabrizio Romano njofton se ka vendosur të largohet në janar.
“Plani momental i Donny van de Beek është të largohet nga Manchester United në janar”.
“Situata e tij nuk mund të vazhdojë kështu dhe ka nevojë që të luajë”, deklaroi ai për UnitedStand.
Ndërkohë, Van de Beek verën e shkuar kishte mundësinë të transferohet te Everton, por e refuzoi në fund.