Antonio Conte është një nga trajnerët më të kërkuar në skenën aktuale të futbollit dhe momentalisht është i papunë.
Fillimisht tekniku italian u përfol shumë për një rikthim në Premier League te skuadra e Arsenal, e cila ishte futur në një krizë të thellë me Mikel Artetan në stol, por gjerat së fundmi ka ndryshuar për mirë te “topçinjtë”.
E kundërta po ndodh te Man United, me Solsjkaer që tanimë është në gjemba, opsionet për ta zëvendësuar atë po rreshtohen.
Ish-trajneri i Chelsea dëshiron të kthehet në stol, e këtë do ta bënte me një skuadër e cila do të kishte një projekt ambicioz.
United ka gjithçka që mund t’i duhet, me Cristiano Ronaldon, Sancho dhe Varane të transferuar së fundmi.
Situata te “Djajtë e Kuq” momentalisht është një “fuçi baruti” pasi lënia në stol e Ronaldos edhe ndaj Everton së fundmi ka ngritur shumë pikëpyetje mbi trajnerin norvegjez, i cili gjithashtu nuk i ka punët mirë më Sanchon dhe Van de Beek.
Conte dëshiron të kthehet në Premier League dhe opsioni United e josh atë më shumë se ai i Arsenal. Megjithatë klubi i “Old Trafford” vlerëson po ashtu Zidane. Francezi preferon të presë mundësinë për të marrë drejtimin e kombëtares franceze.
