Dietmar Hamann, një ish lojtar i Liverpoolit, argumentoi se Ole Gunnar Solskjaer nuk po arrin ta komponojë Manchester United dhe tha se Cristiano Ronaldo ka qenë ai që ka shmangur më të keqen.
“Arsyeja e vetme që Manchester United është ende në garë për titull dhe mirë në Ligën e Kampionëve është Cristiano Ronaldo. Nuk e di se ku do të ishin pa të dhe golat e tij”, tha fillimisht Hamman.
“Old Trafford njihej më parë si Teatri i Ëndrrave dhe tani është më shumë teatër i maktheve. Shfaqjet kanë qenë patetike. Tani për tani, ata nuk luajnë futboll të mirë. Jadon Sancho është shumë larg pritshmërive, diçka që unë nuk e kuptoj. Besoj se presioni do të rritet shumë mbi trajnerin.
Mendoj se është vetëm çështje kohe para se të më shkarkojnë, sepse ekipi nuk po bën ndonjë përparim”, përfundoi Hamann, duke folur për Sky Sports.
