Ademi dekoron Tord Grip me medaljen e nderit!
Në prag të ndeshjes Suedi – Kosovë, presidenti Agim Ademi e ka dekoruar me medaljen e nderit ish-këshilltarin dhe ndihmëstrajnerin e Kombëtares së Kosovës, Tord Grip, me mbishkrimin “Faleminderit përgjithmonë”.
Tord Grip me përvojën e tij të jashtëzakonshme i dha shumë futbollit të Kosovës, veçmas në organizimin e ekipit kombëtar pas pranimit në UEFA e FIFA.
Presidenti Ademi edhe një herë shprehu falënderimin e tij dhe të FFK-së për Suedinë, e cila vazhdimisht ka qenë në përkrahje të Kosovës, si në edukimet e kuadrove ashtu edhe në shumë segmente tjera.
