Barcelona po planifikon që në janar ta transferojë mesfushorin e Manchester United-it, Donny van de Beek, sipas raportimeve nga Sport.
Gjigantët spanjollë e kanë përcjellë situatën e 24 vjeçarit i cili po e nxeh pankinën te Djajtë e Kuq, duke mos qenë në planet e trajnerit Ole Gunnar Solskjaer.
Van de Beek mund të jetë i hapur që të largohet në hyrje të vitit të ri, dhe “Camp Nou” duket si opsion i volitshëm.
Sidoqoftë, Barcelona mund ta përballojë transferimin e tij vetëm në formë huazimi, marrë parasysh situatën e rëndë financiare të klubit.
