Vinicius Junior është një nga lojtarët më në formë të Real Madrid. Sulmuesi brazilian numëron deri 9 gola dhe 7 asiste mes kampionatit dhe Champions League.
Shifra tepër të kënaqshme, që kanë bindur drejtuesit e klubit spanjoll t’i përgatisin një dhuratë.
Mediat spanjolle shkruajnë se në parim është arritur akordi për zgjatjen e bashkëpunimit, dhe firma e zyrtarizimi do të ndodhin në muajin janar.
21-vjeçari do të firmosë deri në 2028 (tre vite më shumë se kontrata aktuale).
Rroga sezonale e lojtarit ofensiv do të prekë shifrën e 8 milion eurove, teksa klauzola e largimit do të shkojë nga 700 milion në 1 miliard euro.
