Arlind Ajeti është pa ekip prej 1 korrikut, datë kur i dha fund aventurës me Reggianën, që nuk siguroi dot qendrimin në Serie B.
Ish-mbrojtësi i kombëtares shqiptare (20 ndeshje dhe 1 gol me kuqezinjtë) ka të drejtë të firmosë me çdo ekip si lojtar i lirë.
Mediet italiane raportojnë se 28-vjeçari është afër firmës me ekipin e Padovës, që garon në Serie C (ndan vendin e dytë me FeralpiSaro në grupin A).
Dëmtimi i Nahuel Valentinit ka ndikuar që drejtuesit e Padovës të kërkojnë shërbimet e Ajetit. Trivenetogoal shkruan se palët ndodhen në bisedime të avancuara.
Akordi paraprak është arritur dhe së shpejti pritet zyrtarizimi i kalimit të Ajetit te Padova, që do të jetë ekipi i pestë italian për të pas Frosinones, Torinos, Crotones dhe Reggianës.
