Barcelona është e interesuar të vendos opsion blerje në marrëveshjen për huazimin e sulmuesit Raheem Sterling nga Manchester City.
26-vjeçari vazhdon të mos arrijë të jetë titullar nën urdhrat e Pep Guardiola dhe ka pranuar që do ishte i hapur për një tjetër sfidë.
Barcelona kërkon ta bind gjigantin e Premierligës ta lejojë futbollistin të largohet në janar në formë huazimi.
Sipas The Mirror, Barcelona kërkon që në marrëveshjen e huazimit të përfshihet edhe mundësia për blerjen në sezonin 2022/23.
Raporti shton se Barcelona shpreson që City të pranojë ta lejojë të largohet në një ligë tjetër në mënyrë që të mos e përforcojë ndonjë rival anglez.
Sterling ka shënuar dy gola dhe dhuruar dy asistime në 15 ndeshje në të gjitha garat këtë sezon dhe do bëhet agjent i lirë në vitin 2023.