Ferran Torres është i zgjedhuri për Barcelonën pasi ata kërkojnë të forcojnë vijën e tyre të parë dhe mund të nisin një lëvizje për sulmuesin e Manchester City.
Trajneri i ri i Barçës, Xavi Hernandez dëshiron të shtojë një sulmues në skuadrën e tij në janar dhe Torres është shfaqur si një objektiv kryesor.
Reprezentuesi spanjoll është po aq i etur për lëvizjen dhe i ka kërkuar Cityt ta lirojë atë, me trajnerin Pep Guardiola të gatshëm të sanksionojë marrëveshjen me kusht që klubet të arrijnë një marrëveshje për një tarifë.
Agjenti i spanjollit ishte në zyrat e Barcelonës të martën e kaluar për të shtyrë lëvizjen përpara, me drejtorin e futbollit Mateu Alemany që udhëtoi për në Mançester këtë javë.
Tashmë ka një marrëveshje mes Barcelonës dhe lojtarit, por të dy klubet nuk kanë arritur marrëveshje.
Barcelona i ka premtuar anësorit një rol të rëndësishëm në skuadër, diçka që ai mendon se nuk e ka arritur në Angli nën drejtimin e Pep Guardiolës.
Pala spanjolle shpreson që një marrëveshje mund të arrihet në janar, por kjo mund të varet nga kërkesat e “qytetarëve” duke pasur parasysh statusin e tyre të pasigurt financiar, të paktën deri në realizimin e shitjeve.
Pavarësisht vështirësive, Barcelona po ndjek një lëvizje për Ferranin, i cili kushtoi 25 milionë euro kur u largua nga Valencia për t’u transferuar në Etihad Stadium, plus bonuse.
