Skënderbeu ka arritur që në tre ndeshjet e fundit të regjistrojë një fitore dhe dy barazime, duke iu larguar vendit të fundit në renditje, e duke treguar se ka kapaicitetin për të marrë pikë ndaj çdo kundërshrtari. Skuadra korçare mori maksiumin ndaj Kukësit të vendit të dytë, barazoi me kryesuesit e Tiranës, ndërsa mori një pikë dhe në përballjen me kampionët në fuqi të Teutës.
Në total, ekipi korçar nuk mundet në 5 ndeshje radhazi mes Kupës dhe kampionatit, teksa arriti që të marrë dhe dy barazime me ekipin e Bylisit, ndaj të cilit u kualifikua në çerekfinalet e Kupës së Shqipërisë vetëm pas goditjes së 11-metërshave.
Krahas rezultateve, kuqeblutë janë rritur në lojën e tyre, duke treguar se kanë mundësi për të bërë akoma dhe më mirë, teksa do të pretendojnë që së paku në fund të sezonit të evitojnë dy vendet e fundit, për të mos zbritur direkt një kategori më poshtë.
Partizani, Egnatia dhe Vllaznia janë tre skuadrat e radhës që do matin forcat bardhekuqtë, skuadra këto që përballë tyre kanë arritur të marrin pikë. aktualisht korçarët ndodhen në vendin e 9-të me 8 pikë, 3 më pak se Egnatia e zonës play-off dhe katër larg zonës së shpëtimit.
Trajneri Migen Mememlli e gjeti edicionin e shkuar formulën për të bërë mirë në Korçë, diçka që do tentojë ta realizojë dhe në këtë sezon.
