Me Antonio Conten në stol, Tottenham ka marrë 7 pikë në tre ndeshjet e fundit të Premier League.
Gjithçka nisi me atë barazim ndaj Everton në transfertë për të vijuar me dy fitoret shtëpiake ndaj Leeds United dhe sëfundmi ndaj Brentford me shifrat 2-0.
Te Spurs që tani futbollistët kanë nisur të dashurohen me metodat e punës së trajnerit italian dhe njëri prej lojtarëve që ka mbetur i magjepsur nga Conte është koreno-jugori Son Heung-Min i cili realizoi golin e dytë në fitoren ndaj Brentford.
“Antonio pret që të gjithë të lëvizim shumë në fushë si në lojën me top ashtu edhe në atë pa top.
Çdo futbollist e di se çfarë duhet të bëjë. Është aq i apasionuar, kam filluar ta adhuroj që tani. Ai na përcjell grintë. Kur luaj ndjej pasionin që përcjell Conte në fushë”, theksoi Son.
