Trajneri i Barcelonës Xavi ka bërë prioritet sulmuesin spanjoll të Manchester Cityt Ferran Torres, pasi që e sheh si lojtar kyç për skuadrën në të ardhmen, raporton “SPORT”.
Torres kishte bërë paraqitje tejet të mira me Kombëtaren e Spanjës në Kampionatin Evropian Euro 2020, dhe Xavi preferon stilin e tij sulmues që ta ketë te “Blaugranët”.
Sidoqoftë, raportohet se Barcelonës i duhet që ta shesë anësorin Ousmane Dembele, në mënyrë që të përballojë pagën e Torres.
Që prej transferimit të tij nga skuadra e Valencias te Manchester City, Torres ka arritur të bëjë 43 paraqitje për skuadrën angleze, duke regjistruar 16 gola dhe katër asistime mbi emrin e tij.
