Gara me 24 ekipe fillon më 9 janar dhe do të ketë një mori lojtarësh kryesorë të Premier Ligës.
Wright tha se mbulimi i turneut dhe çështja e lirimit të lojtarëve gjatë sezonit evropian, është në kontrast të dukshëm me mënyrën se si u trajtua Euro 2020.
“A ka ndonjë turne më të pa respektuar se Kupa e Kombeve të Afrikës?” U shpreh Wright në një video të postuar në Instagram.
“Nuk ka nder më të madh se të përfaqësosh vendin tënd. Mbulimi është plotësisht i ngjyrosur me racizëm.
“Ne luajtëm Eurot tona në 10 vende në mes të një pandemie dhe nuk ka asnjë problem. Por Kameruni, një vend i vetëm që pret një turne, është një problem.”
Futbollistët që shkojnë në finalet e Kupës së Kombeve të Afrikës do të lejohen të luajnë për klubet e tyre deri më 3 janar.
Wright shtoi se ai kundërshtoi që lojtarët të pyeteshin nëse synojnë apo jo të lejohen të luajnë për klubet e tyre deri më 3 janar.
“Ju jeni duke bërë që gazetarët të pyesin lojtarët, lojtarët që pyeten nëse do të nderojnë thirrjet për ekipet e tyre kombëtare. Imagjinoni sikur të ishte një lojtar anglez që përfaqësonte ‘Tre Luanët’. A mund ta imagjinoni?”, u shpreh Wright.
Një nga skuadrat më të hendikepuar për futbollistët afrikanë do të jetë Liverpooli të cilët nuk do të llogarisin në Mohamed Salah të Egjiptit, Sadio Mane të Senegalit dhe Naby Keita të Guinesë.
