Armando Broja i tregon Chelsea-t momentet e tij të arta në 2021, por nuk e mbyll me kaq: 2022 do të jetë më mirë!
Armando Broja ka bërë urimin për Vitin e Ri në mënyrën sesi sulmuesi shqiptar shprehet në fushën e lojës.
Talenti ka përzgjedhur momentet e tij më të mira nga viti 2021 ku përfshihen golat me Kombëtaren dhe njëkohësisht performancat fantastike te Southampton.
“Ishte një vit i pabesueshëm ky që kaloi, por një tjetër më i mirë po vjen”, shkruan Broja duke paralajmëruar se nuk do të mbyllet këtu. Momente dhe imazhe që duhet të ndiqen me vëmendje nga Chelsea në kohën e duhur pas “tradhtisë” së Lukakut.
