Sot do të zhvillohen katër ndeshje interesante në kuadër të 1/8 së finales në Kupën e Kosovës.
Dueli kryesor do të zhvillohet ndërmjet dy skuadrave të Superligës, Gjilanit dhe Dukagjinit.
Ndonëse me synime të ndryshme në elitën e futbollit kosovar, kjo ndeshje ka rëndësi të madhe për të dyja skuadrat.
Duel tjetër interesant pritet të zhvillohet ndërmjet dy skuadrave prishtinase, 2 Korrikut dhe Ramiz Sadikut, të cilat përballjet mes vete i kanë mjaft të shpeshta në Ligën e Parë dhe stinorin vjeshtor e mbyllën me pikë të njëjta.
Ulpiana pritet të ketë punë më të lehtë, ku e pret Arbërinë e cila mezi arriti të organizohej për të vazhduar stinorin pranveror.
Dueli i fundit i ditës së sotme zhvillohet në Brestovik, aty ku Onix e pret KEK-un, e cila është skuadra e vetme e Ligës së Dytë që ka prekur 1/8 e finales.
Të gjitha ndeshjet fillojnë nga ora 13:00.
