Alberto Zaccheroni, ish-trajneri i Milan-it, ka folur për sezonin e kuqezinjve në një intervistë të dhënë për faqen e internetit MilanNews.it.
“Milan ka një vetëdije më të madhe tani. I shikoj të luajnë kuqezinjtë dhe më duket se kanë fituar mentalitetin dhe vetëdijen për të luajtur për titullin”, ka thënë Zaccheroni.
“Ka dy vite që po vazhdon kjo rritje dhe merita më e madhe i duhet dhënë punës së bërë nga Stefano Pioli.
Nuk duhet të harrojmë as problemet e shumta me të cilët është përballur, veçanërisht për sa u takon dëmtimeve”.
