Barcelona sikur në ditët më të mira, si me lojë si me rezultat shkatërroi Valencinë në stadiumin “de Mestalla”, duke e mposhtur me rezultat 4:1.
Sulmuesi nga Gaboni, Pierre-Emerick Aubameyang, ishte enigmë e pazgjidhshme për mbrojtjen e vendasve.
Ai shënoi dy gola, të cilat i dhanë edhe më shumë zemër skuadrës së tij.
Për Barcelonën realizuan Aubameyang (23' e 38'), de Jong (32') e Pedri (63') dhe për Valencinë Soler (53').
Barcelona ngritët në pozitën e dytë me 42 pikë, duke lënë pas Atleticon me 42 e Valencia pozicionohet në të 12-tin me 30 pikë.
Trajneri i Barcelonës, Xavi Hernandez, është i lumtur për fitoren dhe shpreson se me kalimin e javëve do të ngjitet edhe më lartë në renditjen e klasifikimit.