Skuadra angleze West Ham raportohet se është njëra nga katër klubet që kanë shprehur interesim për të transferuar yllin e Real Madridit Isco Alarcon si lojtarë të lirë gjatë kësaj vere.
Sipas “Fichajes”, mesfushori i Realit është në kërkim nga disa skuadra për tu transferuar gjatë afatit kalimtar veror të transferimeve, pasi që kontrata aktuale e tij me “Galaktikët” përfundon në fund të këtij sezoni.
Thuhet se katër skuadra janë në garë për shërbimet e mesfushorit spanjoll, ndër to edhe klubi anglez West Ham United.
West Ham ka kohë që ka shprehur interesim në Iscon, ku edhe e ka kontaktuar Real Madridin në disa raste për të hapur bisedimet për një transferim të mundshëm, por që gjithmonë ka marrë përgjigje negative nga gjigandi i La Ligas.
Që prej transferimit të tij nga Malaga te Real Madridi, Isco ka arritur të bëjë 350 paraqitje për gjigandin spanjoll, duke regjistruar 53 gola dhe 56 asistime mbi emrin e tij.
