Në gjithë karrierën e Etrit Berishës, sezoni aktual është më i vështiri që ka kaluar ndër vite. Nëse te Lacio do të luftonte për vendin e titullarit dhe arriti ta fitonte atë, te Torino e ka thuajse të pamundur. Më tepër sesa për shkakun e konkurrencës, thjeshtë trajneri Juriç nuk e preferon.
Pikërisht njeriu që rriti Rrahmanin dhe Kumbullën te Verona, megjithëse Berishën “po e fundos”. Portieri shqiptar erdhi pas një super sezoni te SPAL, atje ku kërkonte postin e portierit të parë. Megjithatë Juriç i besoi Milinkovic-Savic, që gjithë kohën kishte qenë portieri i dytë te Torino.
Edhe në mesin e 100 kritikave të marra pas një serie ndeshjeve negative ku gafat e tij ishin të panumërta, Juriç sërish nuk e ndryshoi gardianin e portës. Në gjithë këtë sezon, Berisha numëron zero minuta të aktivizuara në Serinë A. Këtë herë mund të ketë debutimin e tij pasi Milinkovic Savic do të mungojë në fundjavë ndaj Bolonjës.
Kjo jo për shkakun e Juriç, por për një dëmtim në dorë. Megjithëse nuk përjashtohet që trajneri ta aktivizojë Milinkovic Savic edhe nga stoli. Por nga ana tjetër kjo mungesë do të thotë se Berisha e ka vendin e siguruar.
Sipas raportimit të mediave, nuk janë të pakëta gjasat që para portierit shqiptar të aktivizohet gardiani i akademisë, Gemello, çka do të thotë se Berisha përfundon në portierin e tretë të Torinos.
