Mbrëmja e djeshme ishte një nga ato që u konsideruan historike për klubin e Fiorentinës, pasi u shpall projekti fitues në tenderin ndërkombëtar për rikonstruksionin e stadiumit aktual “Artemio Franchi”.
Ky projekt ka një kosto prej 450 milionë eurosh, dhe thuhet se do të jetë gati brenda vitit 2025.
Një investim gjigant ky ku brenda ambjenteve të stadiumit përveç qendrave tregtare do të ketë edhe hotel si gjithë stadiumet e tjera të reja moderne në mbarë botën.
Në Itali përveç stadiumit të ri të Fiorentinës do t’i bashkohet shumë shpejt dhe impianti i ri i Milanos, ku me shumë mundësi brenda vitit 2026 do të jetë gati dhe stadiumi i ri i Interit dhe Milanit.
