Real Betis ka marrë një tjetër fitore të madhe në La Liga.
Skuadra e Manuel Pellegrini ka shënuar fitore minimale 1:0 në shtëpi kundër Athletic Bilbao.
Betis vendosën fatin e takimit në minutën e 20’, me golin e shënuar nga Iglesias.
10 minutat e fundit të këtij takimi, Betis i luajti me 10 lojtarë, pasi Nabil Fekir u ndëshkua me karton të kuq. Por, lojtarët e Pellegrini ruajtën mirë rezultatin.
Betis shkon tashmë në 49 pikë për pozitën e katërt, me një pikë më shumë se Barca, por katalanët kanë dy ndeshjemë pak të luajtura.
Bilbao në anën tjetër mbetet me 40 pikë në pozitën e tetë në tabelë. Betis vazhdon kështu garën me Atleticon dhe Barcën, për një pozitë që dërgon në Champions League.
