Mesfushori shqiptar, Federiko Zenuni, ka gjetur rrugën e rrjetës në Serinë C italiane. 25-vjeçari, e ka bërë “sefte” me skuadrën e Potencës, në duelin ndaj Paganeses që përfundoi me rezultatin 1-1.
Në minutën e 64-t, Zenuni realizoi me kokë, duke i siguruar një pikë të rëndësishme skuadrës së tij, që e mbylli ndeshjen me 9 lojtarë.
Për sa i përket karrierës së Zenunit, ai u rrit te Torino teksa në vitin 2017 kaloi tek ekipi i parë, por pa ia dalë të lërë gjurmë. Mesfushori ofensiv ka veshur fanellat e Shqipërisë U17 dhe U19 ku ka realizuar edhe 2 në të kaluarën, teksa është grumbulluar por nuk ka debutuar me Kombëtaren Shpresa.
Në 28 ndeshje me Potencën, ky ishte goli I parë për 25-vjeçarin, që sezonin e shkuar ishte pjesë e Virtus Francavilës, po në Serinë C.