Në vitin 2026 do të kalojnë 20 vjet që nga momenti kur Italia ngriti Kupën e Botës në Gjermani në 2006.
Ish-trajneri Fabio Capello vlerëson se përpjekjet për të kopjuar stilin e lojës të Pep Guardiolës i kanë kushtuar me eliminim Italisë.
Pavarësisht që u shpallën kampion në ‘Euro 2020’, ku skuadra italiane mundi Anglinë me penallti në finale, Italia humbi nga Maqedonia e Veriut, të enjten, e cila e eliminoi nga Kupa e Botës 2022.
Turneu i vitit 2022 do të jetë Kupa e Botës e dytë radhazi që Italisë i ka munguar, ndërsa paraqitjet e tyre në Afrikën e Jugut dhe Brazil në 2010 dhe 2014 respektivisht ishin aq të dobëta, sa nuk arritën të dilnin as nga fazat e grupeve.
“Shpjegimi është shumë i thjeshtë, kam thënë prej kohësh që po kopjojmë futbollin e Guardiolës të 15 vjetëve më parë, pa pasur cilësi të mjaftueshme”, është shprehur Capello për Sky Sport Italia.
“Fizikisht, Maqedonia ishte superiore ndaj nesh me dinamizëm, forcë dhe vendosmëri”, shtoi ai.
“Gjithçka është e qartë, edhe pse ne e kuptojmë që modeli për të kopjuar është ai gjerman, nuk do të rritemi nëse nuk do të arrijmë kurrë si spanjollët, të cilët kanë një teknikë superiore”.
