Ndërsa në Francë janë të bindur se Kylian Mbappe do të rinovojë me PSG-në mediat spanjolle argumentojnë pikërisht të kundërtën.
“El Chiringuito” , emision shumë i afërt me Real Madridin, lëshon “bombën” se sulmuesi francez, nëse vendos të pranojë propozimin e Florentino Perez, do të prezantohet në stadiumin “Santiago Bernabeu” në fund të muajit maj.
Marrëveshja është shumë pranë dhe prezantimi mund të shtyhet për javën e parë të qershorit nëse skuadra e Karlo Ançelotit do të arrijë në finalen e Champions-it, e cila do të luhet në Paris më 28 maj.
Aktualisht gjatë këtij sezoni me fanellën e PSG-së në Ligue , 23-vjeçari është aktivizuar gjithsej në 27 ndeshje nga ku ka shënuar 17 gola dhe ka dhuruar 13 asist për shokët e skuadrës.
