Gianfranco Zona është shprehur sot në “Gazzetta dello Sport” për luftën e titullit në kampionatin italian: “Interi është favorit, më pëlqen mentaliteti i tij fitues, por Napoli ka më shumë ekuilibër. Spalletti ka një skuadër të shkëlqyer, me shumë ‘pjesë këmbimi’ (alternativa zëvendësuese).
Napolitanët kanë më shumë keqardhje, pa lëndimin e Osimhenit do të ishin arratisur. Insigne? Ai do të bëjë gjithçka për t’i dhënë fund aventurës së tij me titullin e shumëpritur. Milani? Vezullues, i paskrupullt. Përveç kësaj, kuqezinjtë mund të llogarisin përvojën e Ibra dhe Giroud”.
Nga ana e saj, “La Stampa” nënvizon marrëdhëniet e ngushta mes Torinos dhe Milanit në kontekstin e merkatos së verës. Sfida e së dielës në mbrëmje në Piemonte do të ketë vëzhgues specialë për Andrea Belotti, Gleison Bremer dhe Tommaso Pobega.
Më 1 qershor, i pari mund të nënshkruajë falas me klube të tjera. Milani ka qenë gjithmonë më i afërti me sulmuesin e “granatave”, edhe nëse interesi i tij është ftohur disi së fundi, pasi prioriteti i kuqezinjve për të rinovuar sulmin, në rast të largimit të Ibrës, është i riu Origi.
Pastaj është ndërthurja Bremer-Pobega. Për të parin interesohet edhe Interi, kështu që kuqezinjtë kanë “derbi” në merkato. Ndërkohë, edicioni i sotëm i “Gazzetta dello Sport” bën një pasqyrë të dëmtimit të Victor Osimhen. Ka një shqetësim mes tifozëve, Spalletti shpreson ta rikuperojë atë për të dielën kundër Fiorentinës.
Mjekët logjikisht nuk prononcohen dhe presin të shohin situatën e sotme, pas pushimit, se në çfarë kushtesh do të jetë sulmuesi që u kthye të dielën nga Nigeria dhe u stërvit të hënën me shokët e tij të skuadrës (ata që nuk kishin luajtur në Bergamo).
Ka një lodhjeje të lehtë të muskujve, që mund të eliminohet shpejt nga qendërsulmuesi. Muskujt e Osimhen janë shumë të çmuar dhe stafi mjekësor do të presë sot për të kuptuar dhe vendosur më mirë çdo analizë që do të kryhet.
