Kapiteni i Villarreal, Dani Parejo nuk i ka kursyer thumbat për trajnerin e Bayern Munich pas kualifikimit në gjysmëfinalen e Champions.
Mesfushori nuk ka hezituar të kujtojë fjalët e Nagelsmann në kohën kur u hodh shorti, ku sipas tij ai kishte disrespektuar Villarrealin.
“Kur shorti u hodh dhe ata kishin Villarrealin, trajneri i tyre, të cilin nuk e njoh, disrespektoi jo vetëm Villarrealin, por edhe gjithë futbollin duke thënë se donte të mbyllte punët në ndeshjen e parë”, ka thënë Parejo.
“Ishte disrespektuese. Ndonjëherë kur pështynë të kthehet në fytyrë”, shtoi spanjolli.
Villarreal pret për të mësuar kundërshtarin e saj nga çifti Liverpool – Benfica, e që me shumë gjasë do të jetë Liverpool.
