Sulmuesi i Real Madridit, Vinicius Junior, është në rrugë për të nënshkruar një kontratë të re afatgjatë me klubin.
Sipas gazetarit të njohur dhe ekspertit të transferimeve Fabrizio Romanos, Vini do të ketë kushte të reja deri në vitin 2027.
“Blancos” kërkojnë të sigurojnë që një pasuri e çmuar si 21-vjeçari të mbetet në klub për të ardhmen e parashikueshme.
Vinicius aktualisht po shijon sezonin e tij më të mirë në Madrid, duke shënuar 17 gola dhe 17 asistime në 44 paraqitje.
Braziliani iu bashkua Realit më 12 korrik 2018 dhe kontrata i skadon më 30 qershor të vitit 2024.
