Diego Simeone e kishte një natë historike mbrëmë.
Trajneri argjentinas ia dha rastin për të luajtur djalit të tij, Giuliano.
Në ndeshjen ndërmjet Atletico Madridit me Granadan (0:0), trajneri Cholo ia mundësoi debutimin në ekipin e parë birit të tij 19 vjeçar.
Simeone e kishte ftuar të birin në disa ndeshje, më saktësisht shtatë herë, por vetëm mbrëmë i erdhi momenti i debutimit futbollistit të krahut të majtë.
Ai u inkuadrua në lojë në minutën e 90-të në vend të Marcos Alonsos.
Giuliano bëhet djali i tretë i Simeones që merret me futboll.
Giovanni luan në Hellas Verona dhe Gianluca në Ibiza.
Ata do të mundohen t’i ndjekin hapat e babait të tyre, i cili ishte futbollist i njohur.
E qe disa vite, Simeone është njëri prej trajnerëve më të mirë në Evropë.
