Barazimi pa gola i Dritës dhe i Gjilanit bëri që Ballkani edhe matematikisht të shpallet kampion i Kosovës në futboll.
Edhe pse i kanë mbetur edhe katër xhiro deri në fund, Ballkani nga sot e nis festën e titullit të parë në histori.
Suharekasit e dominuan kampionatin në shumicën e kohës, duke e fituar me meritë.
Pas përfundimit të derbit Drita-Gjilani, i menjëhershëm ishte reagimi i Ballkanit në rrjetet sociale.
“Historia u shkrua. Ne ia dolëm. Jemi kampionë”, shkroi Ballkani në faqen e tyre në Facebook.
