Milani është në garën e ngushtë me Interin për titullin e kampionit në Serie A.
Skuadra e drejtuar nga Stefano Pioli renditet e dyta në tabelë me 77 pikë, një më pak se kampioni në fuqi italian, që renditet i pari.
Por, “Rossonerët” kanë një ndeshje më pak dhe mund të rikthehen sërish në krye të tabelës.
Përkrahja e tifozëve nuk po i mungon Milanit dhe kjo dëshmohet më së miri me faktin se “San Siro” do të jetë i mbushur për ndeshjen e javës së parafundit (37) për këtë sezon, të cilën Milani e zhvillon ndaj Fiorentinas më 15 maj.
Kjo do të jetë edhe ndeshja e fundit e Milanit në shtëpi për këtë sezon, pasi sezoni për ta mbyllet më 22 maj, me ndeshjen në udhëtim te Sassuolo.
Ndeshjen e kësaj jave Milani e luan më 8 maj, si mysafir i Hellas Veronas.
