Investcorp i ka dhënë ultimatum fondit Elliot, që zotëron klubin e Milanit. Fondi nga Bahreini, pasi u studioi bilancet italianëve, bëri ofertën.
Elliot ende nuk e kanë ndarë mendjen, pasi duket se duan të përfitojnë dhe të marrin ndonjë ofertë më të lartë.
RedBird Capital Partners e ka bërë gjithashtu një ofertë, që kap shifrën e 1.1 miliard eurove, kurse Investcorp ofrojnë rreth 1.2 miliard euro.
Gazzetta dello Sport shkruan se fondi nga Bahreini u ka komunikuar pronarëve të Milanit se duhet të kthejnë një përgjigje të shpejtë për ofertën e tyre..
