Autoritetet franceze po fajësojnë ‘mijëra tifozë pa bileta të Liverpool-it’ për kaosin në Stade de France gjatë finales së Ligës së Kampionëve të shtunën në mbrëmje.
Fillimi i ndeshjes u vonua me 36 minuta pasi shumë tifozë të Liverpool nuk mundën të futeshin brenda stadiumit dhe u lanë në një situatë të rrezikshme jashtë.
Policia franceze është kritikuar ashpër për përdorimin e gazit lotsjellës ndaj tifozëve të Liverpool-it, përfshirë fëmijët, të cilët nuk përbënin asnjë kërcënim dhe thjesht prisnin të kalonin nga porta e tyre.
Vendasit pa bileta u panë gjithashtu mes turmave që përpiqeshin të shmangnin sigurinë, ndërsa të tjerët me bileta të ligjshme nuk mundën të zinin vendet e tyre deri në fund të pjesës së parë.
Por ministri i Brendshëm i Francës Gerald Darmanin postoi në Twitter se “mijëra “tifozë” britanikë pa biletë ose me bileta false, kanë hyrë me forcë dhe kanë sulmuar stjuardët.
