Egnatia luan shansin e fundit për të qëndruar edhe për një vit në mesin e skuadrave më të mira në Shqipëri, në “Abissnet Superiore”. Skuadra e Ramadanit do të pres në shtëpi, në “Egnatia Arena” skuadrën e Korabit, në sfidën “Play-Off” të këtij sezoni.
Rrogozhinasit u rikthyen në elitë këtë sezon pas 16 vitesh, por përjetuan një sezon të vështirë dhe me shumë luhatje, aq sa në 6 ndeshjet e fundit, Egnatia koleksionoi vetëm një pikë, në javën fundit përballë Dinamos. Të besuarit e Ramadanit e mbyllën edicionin në vendin e tetë me 35 pikë, por në shtëpi, rrogozhinasit nuk krijuan një rendiment të mirë, me vetëm 4 fitore, 4 barazime dhe plotë 10 humbje.
Në krahun tjetër, dibranët kërkojnë rikthimin pas 6 sezonesh, pas rënies nga elita në sezonin 2016-2017. Korabi, në Kategorinë e Parë, këtë edicion zhvilloi një kampionat të mirë dhe e mbylli sezonin e rregullt në vendin e tretë me 59 pikë. Në fazën “Play-Off”, dibranët nxorën nga gara Tomorin dhe Apoloninë dhe tashmë kërkojnë një biletë për në elitë, në “trenin e fundit”.
Ndërkohë, trajnerët Ramadani dhe Mziu kanë vendosur edhe formacionet me të cilët do të zbresin në fushën e lojës.
Formacionet zyrtare:
Egnatia: Puja, Ymeralilaj, Krivanjeva, Krasniqi, Allmuça, Agbekpornu, Levendi, Delarge, Imeri, Jackson, Pedro.
Trajner: Zekirija Ramadani
Korabi: Mehidri, Joti, Paplekaj, Sefgjinaj, Disha, Çutra, S.Mziu, Raza, Geci, Marku, Dragoj
Trajner: Donald Mziu.
