Tashmë është zyrtare se mesfushori ofanziv i Ballkanit, Blendi Bafti, është larguar nga skuadra e Ballkanit.
Lajmin e ka bërë të ditur vetë klubi suharekas, përmes një postimi në rrjetin social, Facebook.
Baftiu qëndroi të kampionët kosovarë për 4 vite, aty ku mori epitetin e njërit prej lojtarëve më premtues për të ardhmen.
Sipas njoftimit të klubit, ishte dëshira e lojtarit për të ndërruar ambient, pas disa viteve fantastike me skuadrën e Ilir Dajës.
Më poshtë gjeni njoftimin e plotë të klubit.
Faleminderit Blendi Baftiu
Magjiku i skuadrës tonë, nga sot nuk do i mbrojë më ngjyrat e klubit portokalli.
Klubi ynë ishte shumë i interesuar për të vazhduar kontratën ,mirëpo Baftiu vendosi që të ndërroj ambient pasi që katër vite ka dhënë të gjitha për klubin tonë, ne si klub e mirëpritem vendimin e tij dhe patjetër se ai do të mbetet në historinë tonë
Po largohet si kampion
Skuadra e falenderon për kontributin e dhënë, duke i dëshiruar shëndet e suksese në karrierë.
Urojmë që kjo të jetë një mirupafshim e jo një lamtumirë!
Të priftë e mbara Blendi
