Afrim Muçiqi e njeh si paranë e kuqe trajnerin më të suksesshëm shqiptar, Mirel Josën.
Josa sonte me Vllazninë e Shkodrës fituan trofeun e çmueshëm, Kupën e Shqipërisë dhe siguruan biletën për në garat evropiane.
Këngëtari i mirënjohur, Muçiqi, një kohë të gjatë ka bashkëpunuar me Josën, në kohën kur ishte nënkryetar i klubit më të trofeshëm në vendin tonë, Prishtina.
Josa për disa vite ka drejtuar me sukses FC Prishtinën.
Muçiqi e uron Josën dhe thotë se është trajneri më i mirë shqiptar.
“Urime trajneri me i mirë shqiptar për mu, me ke bind edhe gjatë kohë sa kemi punuar se bashku që jeni trajner me kulturë të lartë sportive, këtë e dëshmove edhe sonte në finalen e Kupës së Shqipërisë.
Të uroj sukses dhe fat në garat e Evropës”, thotë Muçiqi për gazetën kombëtare “Bota sot”.
Vllaznia e mposhti me rezultat 2:1 Laçin, në finalen që u zhvillua në stadiumin “Air Albania” në Tiranë.
