Ëndrra e të gjithë tifozëve është që të paktën një herë në jetë, të jenë protagonistë në fushë, duke luajtur në një stadium të madh, pse jo me trajnerë në pankinë e publik në tribuna.
Për ta bërë realitet këtë ka menduar klubi i Barcelonës, që ka vënë “Camp Nou”-n në dispozicion të tifozëve nga data 6 deri më 11 qershor, teksa të gjithë mund të luajnë një orë ndeshje aty, për vetëm 300 euro.
Një ndeshje e vërtetë, ku të pasionuarit mund të përdorin dhomat e zhveshjes, të kenë trajnerë në pankinë, arbitra në fushë dhe mbi të gjitha, publik në shkallët e stadiumit, të gjitha këto për një çmim prej 300 eurosh.
Natyrisht një çmim mjaft i mirë, për të gjithë ata që të paktën një herë të vetme, qoftë edhe për vetëm për një orë, duan të përjetojnë emocionet e të luajturit në një stadium mitik.
