Sinjalet më të këqija bëhen të vërteta. Këngëtarja kolumbiane Shakira ka konfirmuar se është duke u ndarë nga partneri i saj, futbollisti i Barcelonës, Gerard Piqué, me të cilin ka dy fëmijë:
“Me keqardhje konfirmoj se po ndahemi. Për mirëqenien e fëmijëve tanë, të cilët janë prioriteti ynë më i lartë, kërkojmë respekt për privatësinë. Faleminderit për mirëkuptimin”, – thuhet në një deklaratë të shkurtër të publikuar nga agjencia e komunikimit të këngëtares.
Mediat kanë dy ditë që shkruajnë se Pique ishte parë në disa raste me një vajzë të re, studente 20-vjeçare, prandaj mbrojtësi i ekipit katalanas është zhvendosur në një papafingo të pronës së tij në rrugën “Muntaner”.
Në lajme u fol edhe për situatën e Shakirës, e cila është tërbuar kur ka mësuar për tradhtinë. Ky lajm, i cili mund të klasifikohej si informacioni i parë zyrtar për këtë çështje, bëri që shumë media të fillojnë të spekulojnë për krizën në çift.
Dje, revistat më të njohura rozë kanë publikuar në faqet e tyre një fakt që deri më tani nuk dihej. Sipas publikimit të lartpërmendur, të shtunën e kaluar, më 28 maj, dhe në afërsi të shtëpisë së saj, në rrugën që lidh Barcelonën me Esplugues de Llobregat, Shakira pësoi një atak paniku, për të cilin u desh të trajtohej nga një ambulancë në vend dhe më pas të transferohej në klinikën “Teknon” në Barcelonë për t’u trajtuar për këtë gjendje krize mendore.
Mediat kanë publikuar edhe pamje nga ngjarja ku shihen dy automjete dhe një ambulancë pak metra përpara. Në pamje shihet edhe nëna e këngëtares, Nidia del Carmen Ripoll, e cila e ka parë skenën në mënyrë nervoze së bashku me një grua tjetër që ka tentuar ta qetësojë atë dhe këngëtaren, e cila nuk ka pushuar së qari.
Pique e pa këtë skenë nga jashtë, nervoz dhe i shqetësuar. Punonjësit e shëndetësisë e kanë pyetur kolumbianen nëse ka nevojë për ndonjë ndihmë psikologjike dhe ajo ka kërkuar transferimin në klinikën “Teknon”. Shakira ka shkuar në ambulancë, ndërsa Piqué dhe të afërmit e këngëtares në automjetet e tyre përkatëse.
