Ylli i Liverpoolit, Mohamed Salah e ka fituar çmimin e PFA Lojtari i Vitit për meshkuj për sezonin 2021/2022.
29 vjeçari mposhti Kevin De Bruynen e Manchester Cityt për të marrë trofeun e tij të dytë të PFA Lojtari i Vitit, duke e bërë atë personin e nëntë që e arrin këtë gjë.
Reprezentuesi egjiptian gjithashtu shmangi konkurrencën nga Cristiano Ronaldo, Harry Kane, Virgil van Dijk dhe Sadio Mane për të fituar çmimin në fjalë.
Salah shënoi 23 gola në ligë dhe përfundoi si golashënuesi më i mirë së bashku me Son Heung-min të Tottenham. Salah regjistroi gjithashtu 13 asistime në ligë dhe e çoi Egjiptin në finalen e Kupës së Kombeve të Afrikës në muajin shkurt.
Duke fituar çmimin për herë të dytë, Salah tha:
“Është një nder i madh të fitosh një trofe, individual apo kolektiv dhe ky është i madh, shumë i lumtur dhe shumë krenar për këtë.
Ky është vërtet i mirë për të fituar, veçanërisht sepse votohet nga lojtarët. Kjo ju tregon se keni punuar vërtet shumë dhe ju merrni atë për të cilën keni punuar.Unë kam dhomën time me trofe në një kabinet dhe u sigurova që të kisha një hapësirë tjetër për një tjetër.
Unë mbaj gjithmonë hapësirë dhe thjesht përpiqem të imagjinoj se trofetë do të vijnë”.
