Romelu Lukaku tashmë ka vendosur të kthehet tek ish-skuadra e tij, Inter.
Belgu, që u transferua te Chelsea verën e kaluar, nuk arriti të lërë gjurmë në Londër, duke u konsideruar si një prej prurjeve më të pasuksesshme gjatë asaj merkatoje.
Në mënyrë që ta rigjejë shkëlqimin që pati, sulmuesi e preferon “Giusseppe Meazzan”, stadiumin që i dha aurën e perandorit.
Që kjo të kryhet sa më shpejt, klubet i kanë përfunduar pothuajse të gjitha formalitetet dhe kompletimi i transferimit të tij në formë huazimi pritet të bëhet javën e ardhshme.
Shuma e kësaj lëvizjeje do të jetë diku rreth 8 milionë euro.
