Edicioni i ri futbollistik 2022/2023 i Serisë A do të ngrejë siparin më 13 gusht dhe do të përfundojë më 4 qershor 2023.
Aktualisht është publikuar dhe kalendari teksa bien në sy dhe datat e ndeshjeve të javës së parë, apo edhe derbi Inter-Milan dhe derbi i Italisë, Inter-Juventus apo edhe Milan-Juventus.
Në javën e parë, kampionët në fuqi të Italisë, Milani do të presë në “San Siro” Udinezen. Nënkampionët e Interit do të udhëtojnë drejt Puljas aty ku do të kenë përballë të sapo ngjiturit në elitën e futbollit italian, Leçen.
Juventusi do të presë në “Allianz Stadium” Sasuolon. Derbi i Milanos, Milan-Inter do të luajë aktin e parë më 4 shtator në javën e 5-të, ndërsa ai i fazës së dytë do të zhvillohet më 5 shkurt në javën e 21-të.
Ndeshja e parë e derbit të Italisë do të luhet në “Allianz Stadium” në javën e 13-të më 6 nëntor, ndërsa në “Giuseppe Meazza” do të zhvillohet më 19 mars në javën e 27-të.
Sfida Milan-Juventus do të zhvillohet në javën e 9-të më 9 tetor, ndërsa në “Allianz Stadium” në fazën e dytë do të luhet në javën e 37-të më 28 maj.
NDESHJET –
JAVA E PARË –
Fiorentina-Kremonese
Verona-Napoli
Juventus-Sasuolo
Lacio-Bolonja
Leçe-Inter
Milan-Udineze
Monza-Torino
Salernitana-Roma
Sampdoria-Atalanta
Specia-Empoli
