Serbia dënohet në mënyrën më shembullore nga asociacioni më i lartë evropian, UEFA.
Një dënim shumë i merituar për shkak të fyerjeve raciste.
Mediat serbe veçmas “Kurir” me shkrimet e saja primitive, shpif kundër Kosovës.
“Se çfarë dënimi e pret klubin shqiptar pas shpërthimit të tifozëve në ndeshjen mes FC Llapi të Podujevës dhe Buduçnostit të Podgoricës në Conference League, mbetet të shihet në periudhën e ardhshme.
Serbia është dënuar rëndë nga Komisioni Disiplinor i UEFA-s për shkak të shpërthimit racist të tifozëve të saj dhe çfarë sanksionesh e pret FC Llapin pas sjelljes së turpshme të tifozëve shqiptarë në Prishtinë?
Deri tani UEFA ka treguar se nuk ka shumë mëshirë për shpërthimet e tifozëve dhe shembulli më i fundit është sigurisht mbështetësit e kombëtares sonë dhe greke, të cilët ishin të fundit radhazi që u ndëshkuan për sjellje të pahijshme të tifozëve në tribuna.
Në Prishtinë kanë shfaqur hartën e Malit të Zi të ndarë me mbishkrimin: “Ti je radha...”.
Në stadiumin “Fadil Vokrri” në Prishtinë ishin rreth 11 mijë shikues dhe në tribuna dominonin flamujt shqiptarë dhe nuk munguan edhe flamujt me simbolet e Ushtria Çlirimtare e Kosovës”, shkarravit media serbe.
Kujtojmë se komisioni disiplinor i UEFA-s e ndëshkoi Serbinë për sjelljen e tifozëve në ndeshjet e luajtura në qershor kundër Norvegjisë dhe Sllovenisë në Ligën e Kombeve. Federata e Futbollit e Serbisë është dënuar me gjobë prej 43 mijë eurove për disa pika.
