Jesse Lingard thotë se ai synon një vend në skuadrën e Anglisë për Kupën e Botës pasi nënshkroi për Nottingham Forest.
Lingard i është bashkuar të sapoardhurve në Premier Ligë në një marrëveshje njëvjeçare pasi u largua nga Manchester United si lojtar i lirë.
29-vjeçari luajti një rol kyç në garën e Anglisë drejt gjysmëfinales së Kupës së Botës 2018 dhe megjithëse nuk ishte pjesë e skuadrës së Gareth Southgate për Euro 2020, ai nuk ka hequr dorë nga shpresa për t'u rikthyer me forcë në planet e trajnerit të Anglisë për “Katar 2022”, turne ky që zhvillohet këtë dimër.
I pyetur për synimet e tij pas bashkimit me Nottingham, ai tha: "Më pëlqen t'i mbaj afër vetes, por padyshim që Anglia është një synim i madh me Kupën e Botës që po afrohet. Gjëja më e rëndësishme janë qëllimet e ekipit dhe me të vërtetë mendoj se mund të bëjmë gjëra të mëdha këtë sezon”.
Nottinham mposhti konkurrencën nga Everton dhe Newcastle për të transferuar Lingard, dhe ky i fundit zbuloi se qasja agresive e drejtuesve të klubit për t'i treguar atij dashuri e kishte bindur mendjen e tij.
Mbi ndikimin e pronarit Evangelos Marinakis dhe djalit të tij Miltiadis, i cili postoi një foto të tij me Lingard në mbërritjen e tij, ish-lojtari i Manchester United tha: “Ata luajtën një rol të madh. Ata më treguan dashuri, ata ishin shumë agresivë me qasjen e tyre. Ju e doni atë, ju dëshironi ta shihni atë dashuri dhe ata kanë treguar qëllimin që unë të vij në klub”.
Lingard do të ribashkohet me ish-shokun e skuadrës së Manchester United, Dean Henderson te Nottingham Foresti.
