Trajneri i Petrokub nuk i ka përmbajtur emocionet pas kualifikimit me Laçin.
Kurbinasit arritën që të barazonin në transfertë edhe pse luajtën me 10 lojtarë për shumë minuta, teksa më pas humbën me shifrat 1-4 në shtëpi. Ndërkohë Savinov është shprehur se kjo fitore i takon gjithë Moldavisë.
“Emocionet nuk u larguan as pas ndeshjes. Ishte ndeshje shumë e vështirë, kontrolluam topin, krijuam shumë raste në pjesën e parë. Fatkeqësisht topi nuk hyri në rrjetë dhe e pësuam në kundërsulm.
U përpoqëm që të qetësojmë djemtë gjatë pushimit të pjesës së parë, pasi lojën e kishim në kontroll. I thashë që duhej të mos nxitoheshim. Nuk është se vetëm fituam ndaj Laçit, por ishte një lojë shumë e mirë. Pas këtij rezultati është puna e shumë njerëzve. Ne luajtëm për gjithë Moldavinë dje”, tha Alexei Savinov.
