Torino nuk mund ta niste më mirë kampionatin e Serie A, pas javësh jo tamam të qeta. Skuadra granata ka fituar në fushën e Monzas së sapo promovuar me rezultatin 2-1. Me gjithë videon e mosmarrëveshjes mes Juriçit dhe drejtorit sportiv Vagnati dhe çështjes Lukiq qe nuk udhetoi me ekipin sepse ka kerkuar largimin, skuadra piemonteze ka dhuruar paraqitje te bukur në Brianteo.
Golat erdhen nga nënshkrimi i ri Miranchuk dhe Sanabria që i dhanë tre pikët e para Torinos. Ka punë për të bërë për Stroppa, gjithsesi pa disa indikacione të mira të marra nga ekipi i tij.
Në fakt, Monza kishte meritën që e nisi shumë mirë lojën, duke përfituar edhe nga publiku shumë i nxehtë bardhekuq. Silvio Berlusconi ishte gjithashtu në stadiumin U-Power për debutimin e tij në Monza në Serinë A, pas 110 vitesh histori, shkruan Telesporti.
Presidenti bardhekuq, i mbërritur në tribuna në momentin e leximit të formacioneve Monza-Torino, nuk ka dashur të humbasë sfidën që shënon debutimin e Brianzas në ligë. Me një maskë të zezë në fytyrë, ai pa flamurin e shfaqur nga kurba Davide Pieri, shtëpia e mbështetësve të Monzas, menjëherë pas mbërritjes së tij:
“Asnjë natë e errët nuk mund ta pengojë diellin të lindë”. Më pas, si gjithmonë, u ul pranë Adriano Gallianit…
Por, sigurisht, spektakli sonte nuk do t’i kete pelqyer shume. Serie A eshte tjeter nga Serie B…
Silvio Berlusconi ka komentuar ndeshjen ndërmjet Monzës dhe Torinos, ku klubi i tij humbi 1-2. Jo debutimi i shpresuar nga presidenti, i cili megjithatë mbetet i sigurt për të ardhmen:
“Do të marrim pak kohë për t’u mësuar me këto nivele, jemi përpjekur ta forcojmë ekipin. Kemi parë diçka të mirë, shpresojmë të mos shpërfytyrojmë dhe të mos ktheheni menjëherë te B. Ky është qëllimi i vërtetë”, tha ai.
Monza në Champions League? Jo, ishte një shaka. Skuadra duhet të përmirësohet, por mbi të gjitha duhet të besojë në të. Kushdo që beson në të lufton dhe kapërcen çdo pengesë”. Pronari i klubit më pas shtoi: “Ne u përpoqëm të përforconim ekipin, por do të duhet pak kohë për të vajosur mekanizmat. Kemi afruar 13 futbolliste…” Së fundi, për Cristiano Ronaldon: “Nuk e kemi menduar kurrë këtë. Lojtarët si ai nuk do të vijnë kurrë te nje ekip qe sapo ngjitet”.
