Ander Herrera kërkon me ngulm largimin nga kampionët e Francës, PSG.
Parizienët po punojnë shumë në merkato, në derën dalëse, pasi Galtier u ka bërë me dije disa lojtarëve që janë jashtë planeve të tij dhe Herrera është njëri prej tyre.
Spanjolli jo vetëm kërkon largimin, por ka bërë gati edhe destinacionin e tij dhe bëhet fjalë për një rikthim në “shtëpi”, te Athletic Bilbao.
Pas 8 sezonesh, “Baskët” janë të gatshëm për të mirëpritur spanjollin i cili kaloi tre sezone në Paris dhe pesë në Premier League te Manchester United.
