Baseli ka shënuar fitore të thellë në udhëtim, me rezultat 4:2 ndaj kampionit në fuqi, Zurich.
Shqiptarët shpërthejnë me gola.
Andi Zeqiri shënoi dy gola, Xhaka dy asistime, demolojnë kampionin e Zvicrës.
Futbollisti Mirlind Kryeziu dhe Blerim Xhemaili shënuan për Zurich-un.
Në minutën e 23-të, Andi Zeqiri shënon për Baselin por pas 10 minutave (33’) Mirlind Kryeziou barazon rezultatin 1:1.
Për Zurich-un u paraqiten titullarë Fidan Aliti, Donis Avdijaj, Mirlind Kryeziu, Lindrit Kamberi dhe për Baselin Taulant Xhaka e Andi Zeqiri.
Në pjesën e dytë, Baseli tregoi lojë edhe më të mirë duke shënuar edhe tre gola. Amdouni shënoi në minutën e 53-të pas asistimit të Xhakës, ndërsa Zeqiri realizoi për 1:3 pas asistimit të Xhakës (57'). Males thellon epërsinë në 1:4 në minutën e 60-të.
Avdijaj u ndëshkua me karton të verdhë në minutën e 35-të, Kryeziu në atë të 69-tën dhe Xhaka në të 70-tën.
Blerim Xhemaili futet në lojë në minutën e 62-të dhe Zeqiri u zëvendësua në minutën e 70-të.
Në minutën e 90+3. Xhemaili nga penalltia ngushton humbjen në 2:4.
Zurich mbetet ende pa fitore, fundoset në renditje me 2 pikë dhe Baseli shijoi triumfin e parë, renditet në shtatë me 6 pikë (një ndeshje më pak) pas gjashtë jave në Kampionatin e Zvicrës.
