Marco Reus mbeti përsëri vetëm. Götze u largua i pari, pastaj Lewandowski, Aubameyang dhe në fund Erling Haaland. Yjet kalojnë nëpër radhët e Borussia Dortmundit, ndërsa gjermani mbetet derisa të bëhet legjendë e verdhezinjve.
Haaland vendosi të ndryshojë mjedis, duke u transferuar kësaj vere te Manchester City. Rasti e ka sjellë që të dyja klubet të takohen në fazën e grupeve të Ligës së Kampionëve. Kompeticioni i preferuar i norvegjezit e kthen atë sot në stadiumin “Singal Iduna Park”, kundër ish-shokëve të skuadrës.
Pikërisht, Reus, i cili tashmë ka parë disa yje të kalojnë pranë tij, ka dashur të flasë në prag të ndeshjes kundër City të Erling Haaland, ylli i fundit që largohet nga skuadra e tij. “Haaland është sensacional, por ndihmon që shokët e tij të mos jenë më të këqijtë”, – siguroi ai me një fjali që vlerëson sulmuesin dhe gjithashtu punën e mirë të shokëve të tij për të krijuar situatat më të mira të mundshme për të.
Në këtë mënyrë ai lajkaton rivalët e tij, por në një farë mënyre edhe veten. Deri më tani, në karrierën e norvegjezit, ai nuk ka gjetur një partner më të mirë se Marco Reus. Në 68 ndeshje të luajtura së bashku te Borussia Dortmund, gjermani dhe norvegjezi kanë shënuar deri në 17 gola së bashku. Haaland realizoi 12 gola nga pasimet e Reus dhe 5 të tjerë u shënuan nga gjermani nga pasime të norvegjezit.
Partneri më i mirë i karrierës së Haaland, i cili tashmë kombinohet mrekullisht me De Bruyne, nuk hezitoi të mbrojë punën e tij dhe të atyre që tani janë kolegë të Haaland, ndonëse në mënyrë të fshehtë.
